الاثنين، 19 مايو، 2008

ابداع الافكار

عجبني جدا اعلان مرسيدس لما حبوا يعلنوا عن الـ Power Steering للـ SLK الجديده (الباور ستييرنج بالمناسبة ببساطة يعني ان الدركسيون بيبقى معاك خفيف مش ثقيل وانت بتلفه ) ، بصرف النظر عن التكينيكالز يعني ورا الموضوع :D

اللي خلاني افكر في الاعلان ده زي اعلانات كتير، الفكرة المميزة اللي فيه، سماء بدأت تتلبد بـ"وحش" الغيوم الذي يلاحق السيارة، والسائق ده بيحاول يتجنب انه يجي تحت سحابة من سحب الشيء ده ، والا العربية المكشوفة هتتبهدل مطر ، وبعد ما حاول يتجاوز ويتجنب حاجات كتير في الطريق... وقف، ورجع سقف العربية، وكمل "حربه" بعد ما درع نفسه.
وشوف كان فين... كان في الصحراء... لوحده !

بالضبط بالضبط... ديه حياتنا!
لو مكنش عندنا قابلية ومرونة وسرعة في تجنب حفر الحياة اللي بتواجهنا كل يوم، مش هنقدر نتحمل باستمرار الوقوع فيها... وهتبقى حياة مليئة بالاستسلام للعقبات ، وهنتضرر جدا من كل حفرة تيجي قدامنا.
لو مكنش عند كل واحد فينا "درعه" في مواجهه الحياة ، زي ما كان للعربية سقف كهربائي حماها لما الموضوع وصل لمستوى مفيش هرب منه ، ساعتها هنقع كتير ، وممكن منقمش تاني.

انا مش بقول ان الانسان مستحيل يقع في حفر او عقبات وازمات مختلفة، لأن ده احيانا بينطوي على ايجابيات قد تتساوى مع السلبيات الظاهرة (وانا بقول "ينطوي" لان غالبا في الاول مش بيبان لينا غير السلبيات بس ، ومش بنشوف الايجابيات ونبتدي نفكر فيها الا من بعد ما نكون رجعنا للطريق واستعدنا قدرتنا على التوازن) ، ولكن ينبغى ان ايجابيات الوقوع في حفرة ما تكون السبب في عدم الوقوع في حفر اخرى قادمة.

ثم اني بدأت اشك في اهمية ان الواحد يتعلم الـ"ايجابيات" المستفاده من الوقوع في كل حفرة.

يللا مكنش حتت اعلان ههههههههههههه


فالمهم يعني ان ده مثال على الـ Creativity في الافكار
الاعلان اهو


المرة الجيه هتكلم عن اعلان الـ Chevy