إعتذار واجب...وكان واجب من فترة طويلة جدا
حبيت بس اقول لكل أصدقائي... ولأصدقائي فقط
لو كنت ضايقتكوا في مرة أو كان زعلي و ضيقي في أي وقت ضايقكوا...
لو كنت كل ما بشوفكوا بتشوفوا الجانب الحقيقي فيا مش جانب التمثيل وكان في اللحظة ديه جوايا مش سعيد...
لو كنت معاكوا ومش معاكوا بتفكيري...
لو بقيتوا في اوقات بتحسوا اني ممل... أو سخيف...
لو بقيتوا بتحسوا اني مبقتش زي زمان...
لو أي حاجة مكنتش اعرفها كمان...
يبقى إعذروني... لقد ألم بي كدر شديد !!
وفي كل الأحوال صارحوني وواجهوني عشان ممكن الكلام يكون حقيقي وممكن أكون بصطنع وبألف الكلام وفاكر ان ده الكلام اللي بقوله ده حقيقي
اما بالنسبة للي معرفهمش وعدوا هنا مرة ولا حاجة وحسوا ان الدنيا والكلام سلبي over
فأقول... رأيك الإيجابي يهمني... رأيك السلبي ميهمنيش... Its that simple
وبس دلوقتي
UPDATE:
بعد ما كتبت الكلام ده، حاسس ان فيه ناس كتير برضه ضايقتني، مش عارف ليه بفتكر اللي انا بعمله بس ومش بفتكر لما أحيانا كنت انا كمان بتضايق من الناس... بس يمكن كله لسبب واحد، مش هقول اللي أي سلبي هيقوله " بس ... أصل انا أكيد السبب في المشكلة من الأساس"... لكن هقول... هقول.... مش عارف أقول إيه الحقيقة !